بسم الله الرحمن الرحيم والصلاة والسلام على سيد المرسلين سيدنا محمد صلى الله عليه وعلى أنبياء الله والمرسلين
أما بعد:
أقدم لكم اليوم موضوع جميل إسمه الحياة أمل
أتمنى أن ينال إعجابكم وأنتظر ردودكم
هل فعلآ فى أمل . فى أنواع من الأمل طب لو الأمل موجود فى حياتنا هل ده كفاية . طب لو مفيش أمل خالص إيه اللى ممكن يحصل فى الحياة
عارف لو سألت أى إنسان عندك أمل عاوز تكون سعيد عاوز تكون ناجح عاوز تكون مرتاح ماديآ عاوز يكون عندك علاقات ممتازة حتلاقى فى إجابات على الكلام ده كله
لكن لو سألت سؤال تانى هل إنت فعلآ سعيد هل إنت فعلآ ناجح هل إنت فعلآ مرتاح ماديآ هل إنت راضى طب لو مش راضى إيه اللى إنت بتعمله
فى مقولة بتقول ما أضيق العيش لولا فسحة الأمل مفيش إنسان فى الدنيا يقدر يعيش بدون أمل .
الأمل هو عبارة عن ما اتمناه أسعى لتحقيقه ؛الإنسان لومش موجود فى قاموسه كلمة الأمل فبالتالى يفقد معنى مصداقيته وحياته كل يوم لازم يكون عنده الأمل ليحقق
غرض معين لهدف معين لسعادة معينة .
الأمل لما أشوف أمامى الناس بتضحك مبتسمه متفائلة لما أشوف نظرة الرضا أحس أن كل الدنيا متفتحة عندى .
الأمل هو اللى بيجدد الروح والحياة ؛ الأمل أن أعيش يومى متشوق للغد وأن أنتظره وأكون على قناعة تامة إنه إن شاء الله يكون أحسن من اليوم .
الأمل هو القوة المحركة لكل إنجازاتنا هو الدينامو والأساس اللى يخلينا نفكر فى الإحتمالات يخلينا ندور على الحل فى أى مشكلة والفرصة للإنجازات ؛ زى ماقال وليم شكسبير بالأمل سيبتسم العالم مرة أخرى ؛ فى وجود الأمل بيتولد اليقين وفى وجود اليقين بيتولد الحب وفى وجود الحب العالم بتحصل فيه المعجزات .
خلينى أسألك سؤال ياترى إيه أملك إيه أهدافك إيه أحلامك فى الحياة هل عندك أمل نفسك تحققه أكتر من أى أمل تانى فى حياتك .
الأمل ليه أنواع فى الامل الخيالى والأمل الواقعي : الأمل الخيالى أن الشخص يفكر عنده أمل لكن الأمل بيفضل زى ماهو فى عقله اللاوعى مبيطلعش إطلاقآ للحياة ؛لكن
الأمل الواقعي هو اللى إنت بتحطه فى الفعل علشان تقدر تحققه .
أولآ علشان خاطر يكون عندك أمل لازم تكون عارف عندك أمل فى إيه لازم يكون عندك هدف لازم يكون عندك حلم فتبدأ الأول بالحلم إيه حلمك إيه هدفك لما يكون عندك هدف معين خلى الهدف إكتبه وإكتب على الأقل خمس أسباب الأسباب دى حتديك شوية رغبة أكتبه فى كارت صغير وإقرأه كل يوم إقرأه أكتر من مرة حتحس إن فى أمل
الأمل يعنى إيه بتقول لنفسك ليه لا ليه لا ماأقدرش أحققه إذا كان أى حد فى الدنيا ممكن يحقق أى شئ إنت وأنا ممكن نحققه إحنا كمان ليه ممكن شخص يكون سعيد وناجح وأنا معنديش علشان كده بنقول إن ممكن أى شخص فى الدنيا ممكن يحقق أى شئ بس طبعآ فى شروط الشرط الأول أكون عاوز أحققه الشرط التانى أكون قررت إنى أحققه والشرط التالت أتعلم إزاى أحققه والشرط الرابع أحطها فى الفعل وبعدين ماأتركهاش إطلاقآ يعنى إلتزام تام علشان كده فكر تانى إيه اللى أنت عاوزه أكتر من أى حاجة تانية فى الدنيا وأسأل نفسك ليه لا: زى ما جورج برنارشو قال فى ناس كتير بتفكر فى الحاجات اللى موجوده قدامى أنا بفكر فى الحاجات اللى مش موجودة خالص
ويقولولك ليه لا ؛ إذا كان أى إنسان ناجح إنت كمان ممكن تكون ناجح علشان كده فكر من أول اليوم بالإحتمالات بالأمل.
أتمنى أن ينال إعجابكم
:eek:
سبحانك اللهم وبحمدك أشهد أن لاإله إلا أنت أستغفرك وأتوب إليك
أقدم لكم اليوم موضوع جميل إسمه الحياة أمل
..
..
اقدم لكم اليوم موضوع جميل اسمه الحياه امل
رد مع اقتباس
ضوابط المشاركة
مواقع النشر (المفضلة)